arume

 

Bo día,

Como podedes comprobar nos menús deste mes no comedor os vosos fillos poderan disfrutar un día moi especial, un iogur da Casa Grande de Xanceda, dentro da actividade “da granxa á escola”.

Dende ARUME tódolos días temos unha responsabilidade moi especial cos vosos fillos e para isto contamos con amigos como A Casa Grande de Xanceda e os seus produtos feitos dunha maneira tradicional e moi cerca de nos.

Esta xornada terá continuidade no voso comedor neste ano nos menús e tamen coa posibilidade dalgunha charla e incluso algunha visita a Granxa para poder coñecer de preto a elaboración e os seus produtos.

Para calesqueira información a maiores non dubides en contactar directamente con nos info@arumeservicios.gal

Esperemos que a xornada vos guste e sobretodo que lles guste a tódolos nenos e nenas.

Da granxa á escola con Xanceda

Recentemente ARUME pechou unha colaboración coa Casa Grande de Xanceda, granxa que produce lácteos ecolóxicos. Este acordo vainos permitir achegar un día aos coles os iogures e bebíbeis ecolóxicos producidos pola granxa coruñesa. Ademais, Xanceda achegará aos pequenos divertidas fichas para colorear e recortar. A protagonista, como non, será unha vaquiña que virá con información sobre os diferentes aspectos relacionados cunha granxa e os produtos naturais.

Realizaranse varias xornadas especiais de Xanceda ao longo de novembro. Nestas, un representante da granxa achegarase a diferentes coles para falar do seu interesante proxecto de Granxa Ecolóxica.

Este tipo de colaboracións son moi importantes para ARUME porque nos permite apoiar empresas de alimentación locais. Ademais, poñemos a disposición dos colexios novos e diferentes conceptos alimenticios. Neste caso concreto, ARUME achega aos máis pequenos un produto que non só brilla por ser ecolóxico, senón por ser un produto local elaborado na nosa terra.

Este último concepto é un habitual nos menús de ARUME. Sempre que sexa posible, primamos 100% a proximidade dos produtos. Cremos firmemente na calidade gastronómica da nosa terra. Por iso o produto galego é o protagonista dos menús dos pequenos. Neste caso concreto, xunto a Xanceda, mostramos como estes alimentos ecolóxicos poden ter perfecta cabida nos nosos menús.

Sobre a Casa Grande de Xanceda

A Casa Grande de Xanceda é unha granxa familiar situada en Mesía, A Coruña. Nela producen leite e produtos lácteos. Teñen 350 vacas que pasean e pacen por 200 hectáreas de prados e bosques. As súas vacas son, como eles mesmos din, vacas ecolóxicas e felices.

Actualmente, son os segundos maiores produtores ecolóxicos de España. Despois de moitos anos producindo leite, en 2007 construíron o seu primeiro taller de iogur, como non, co leite fresco e ecolóxico da súa propia granxa. Desta forma controlan todo o proceso de produción, dende a herba dos pastos até o produto envasado para tenda.

Toda a Info aquí:

Carta xanceda

Da granxa a escola con xanceda