Novas

Menú Comedor

Servizos ANPA

A continuación tedes unha breve descrición dos servizos que ofertamos dende o Anpa do colexio ValleInclán

  1. Mañanceiros

    Toda a info na seguinte ligazón

  2. Actividades

     

    Toda a info na seguinte ligazón

  3. Comedor

    Toda a info na seguinte ligazón

  4. O noso colexio
  5. Contacto

    Email: valleinclananpa@gmail.com

    Tlfno.:  616135634 

    Horario: 14:00 a 18:00 de Luns a Venres.

Alta Servizos ANPA CURSO 2018-2019

  1. Inscrición Madrugadores 2018-19
    1. Horario: 07:45 – 08:45h. Rógase non entregar aos nenos/as despois das 08:45h. posto que a esa hora dispoñémonos a recoller para dirixirnos cos nenos/as ás súas respectivas aulas.
    2. O pai/nai ou titor-a debe entregar ao seu/súa fillo/a no comedor do colexio (lugar habilitado para este servizo) ao monitorado do servizo de madrugadores.
    3. O alumnado de 3º ata 6º de E. Primaria irá acompañado polo monitorado ata o patio cuberto do edificio de Educación Primaria ás 08:55h e esperará ata que todo o alumnado que ten baixo a súa responsabilidade entre no edificio.
    4. O alumnado de E. Infantil, 1º e 2º de E. Primaria ás 08:55h. irá acompañado polo monitorado ata usos múltiples (edificio de E. Infantil) e unha vez alí xa van coas profesoras correspondentes ás súas aulas.
    5. Durante o servizo de madrugadores o alumnado ten a posibilidade de ver unha película, ler, estudar, debuxar e pintar. Disponse de todo este material no propio espazo do servizo de madrugadores.
    6. Todos os/as nenos/as poden traer das súas casas películas para ver durante o tempo do servizo de madrugadores sempre e cando sexan autorizadas para todos os públicos.
    7. Se durante o tempo do servizo de madrugadores un neno ou unha nena quere ir ao baño irá acompañada polo monitorado.
    8. O servizo de madrugadores non é un servizo de almorzo polo tanto está PROHIBIDO comer ou beber nada durante o tempo que abrangue dito servizo.
    9. Todas as persoas poderán facer uso deste servizo aínda que sexa de forma esporádica. O prezo por día é de 5 euros/día.

    SERVIZO                         PREZO

    MADRUGADORES       20€ / mes

    50% Desconto en segundo irmán.

    FORMULARIO DE INSCRICIÓN MAÑANCEIROS

  2. Inscrición Comedor 2018-19
    1. Horarios:
    • O servizo de comedor abrangue o espazo entre as 14:00h. e as 16:00h., excepto Educación Infantil que comezará 20 minutos antes.
    • O horario de recollida é de 15:15h. a 15:30h. e de 15:45h. a 16:00h. (As familias teñen que colaborar nesta medida). Dentro destes horarios haberá unha persoa na porta controlando as saídas.
    • Só se entregara os nenos/as fóra do horario de recollida por causas extraordinarias e xustificadas previo aviso na ANPA.
    • A ANPA só se responsabilizará dos nenos/as que estean apuntados ao servizo do comedor no horario establecido e non se permitirá a permanencia das familias ou titores/as no recinto escolar.
    • Ningún neno ou nena pode saír do recinto só, ten que facelo sempre acompañado dun adulto. O alumnado de 5º e 6º (sempre que vivan preto do colexio) terán que pedir autorización á dirección do centro para marchar andando sos para casa e entregar na ANPA unha autorización paterna.
    1. Material:
    • Todos os nenos e nenas teñen que ter un neceser co seu nome escrito nun sitio visible con cepillo e pasta de dentes.
    *Os nenos/as de Educación Infantil, ademais do punto anterior terán que traer un mandilón e unha toalliña de mans. As nenas e nenos de 4º E. Infantil terán que traer unha caixa de zapatos pequena cunha etiqueta da cor da clase co seu nome nun lateral e dentro  unha muda limpa.  

     

    1. Espazos:
    • Ademais do espazo físico de comedor os nenos e nenas, no tempo de lecer, utilizarán os patios exteriores e o pavillón cando o tempo non acompañe.
    • Educación Infantil utilizará a área de xogos situada ao outro lado da entrada do colexio, “usos múltiples” e a aula de vídeo cando choiva.
    1. Aspectos organizativos:
    • Nin o monitorado nin a ANPA se farán responsables da perda ou estragos en xoguetes particulares, polo que se aconsella que non os traian a fin de evitar conflitos innecesarios.
    • Os avisos de baixas ou cambios na rutina habitual (quedar un día a maiores, aviso de falla…) cumprirán os seguintes requisitos:
      • Faranse sempre cun mínimo dun día de antelación (antes das 5:30 da tarde) e a través do teléfono, do correo ordinario ou do correo electrónico.
      • O aviso de cambio darase tamén á profesora correspondente a través dunha nota escrita.
    • As baixas avisadas que sexan dunha semana seguido ou máis devolveranse en man.
    • Está a disposición dos usuarios solicitar para un día (ou varios) comer “dieta branda” ou outro tipo de réxime. Na medida do posible haberá que notificalo cun día de antelación.
    • O monitorado e a coordinadora estarán dispoñibles, dentro dos horarios de recollida, para preguntar polos vosos fillos e fillas, ou para calquera dúbida ou queixa que teñan os pais e nais, ademais do correo electrónico, do teléfono e do buzón.
    • Os nenos e nenas, salvo prescrición médica, deberán comer prato e medio da comida servida.
    1. Cobro
    • Farase por domiciliación bancaria, na primeira semana de cada mes.
    • O importe establecerase na primeira reunión da ANPA por consenso.
    • O cobro dependerá dos días solicitados á semana, quedando do seguinte xeito para o curso 2017/18:
      5 días: 96,40€
      4 días: 80,82€
      3 días: 62,15€
      2 días: 45,62€
      1 día: 22,86€
      Días soltos sendo usuaria/o de comedor: 6,10€
      Días soltos non sendo usuarias/os de comedor pero si socias/os da ANPA: 6,90€.
    • Cada recibo devolto irá co sobrecargo correspondente.

    6.- Inscrición:

    • Farase a través da páxina web da ANPA (www.apavalleinclan.es).
    • Todas as novas solicitudes pasarán a lista de espera por falta de prazas para o curso 2018-19.

    Formulario de inscrición comedor curso 2018-19 aquí 

  3. Inscrición Actividades Extraescolares 2018-2019

    Temos o pracer de presentarvos un ano máis o oferta de actividades extraescolares do C.E.I.P. Valle Inclán para o curso 2017-2018, organizadas pola ANPA en colaboración con la Asociación Deportivo-Cultural As Mariñas.

    • Farase a través da páxina web da ANPA  a partir do 3 de maio  ás 14:00h. 
    • Toda a información sobre as actividades extraescolares de Educación Infantil na seguinte ligazón, para realizar a inscrición online pulsado AQUI
    • Toda a información sobre as actividades extraescolares de 1º2º3º de Educación Primaria na seguinte ligazón, para realizar a inscrición online pulsado AQUI
    • Toda a información sobre as actividades extraescolares de 4º5º6º de Educación Primaria na seguinte ligazón, para realizar a inscrición online pulsado AQUI

Alta Servizos ANPA CURSO 2019-2020

  1. Inscrición Madrugadores 2019-2020

    Farase a través da páxina web da ANPA  a partir do  1 de abril 2019  ás 14:00h. 

    Formulario de inscrición mañanceiros curso 2019-2020

  2. Inscrición Comedor 2019-2020

    Queridas familias,

    Queremos informarlles sobre a situación de reserva das prazas de comedor para o próximo curso 2019-2020.

    Debido ao proxecto de expansión do comedor escolar actual, cuxa execución está prevista para o verán de 2019, actualmente non temos o número de prazas coas que podemos contar para iniciar o curso ata que finalice o traballo.
    Cando teñamos máis información sobre os prazos de entrega do traballo e as prazas dispoñibles para o comedor, informarémoslles polos medios habituais.

    No caso de que a demanda de prazas sexa superior a oferta aplicaránse os criterios establecidos para a asignación de plazas reflexado na normativa interna do consello escolar.

    Prazo de inscrición para o ALUMNADO QUE XA UTILIZOU O SERVIZO DE COMEDOR no curso escolar 2018-2019:

    Do 01 de abril ás 14:00h. ao 02 de maio ás 14:00h.

    Listado provisional de admisións: 03 de maio antes das 18:00h.

    Período de reclamación 6,7 e 8 de maio de 14:00h. a 18:00h.

    Listados correxidos: 09 de maio antes das 18:00h.

    Listado definitivo: 31 de maio antes das 18:00h.

    NON É NECESARIO volver a dar a orde de domiciliación bancaria sempre e cando se corresponda coa facilitada no curso 2018-2019.

    No caso de que haxa algún tipo de modificación na mesma tedes que pasar pola oficina da ANPA nas seguintes datas a facelo: do 10 ao 28 de maio na oficina da ANPA (De luns a venres de 14:00 a 18:00h). UNICAMENTE SE HAI ALGUNHA MODIFICACIÓN.

    Prazo de inscrición para o alumnado de NOVO INGRESO no centro escolar e ALUMNADO QUE NON UTILIZOU ESTE SERVIZO NO CURSO 2018-2019.

    Tanto de 4º de Educación Infantil (novo ingreso) como de outros cursos así como tamén alumnado que estivo matriculado no centro escolar no curso 2018-2019 pero non utilizou este servizo:

    Do 20 de xuño ás 14:00h. ao 30 de xuño ás 18:00h.

    Listado provisional de admisións: 01 de xullo antes das 18:00h.

    Período de reclamación 02 e 03 de xullo de 15:00h. a 16:00h.

    Listados definitivos 15 de xullo antes das 18:00h.

    É OBRIGATORIO asinar a ORDE DE DOMICILIACIÓN BANCARIA. Para iso poderedes pasar pola ANPA do colexio dende o 4 de xullo ao 11 de xullo en horario de 15:00h a 16:00h.

    IMPORTANTE:
    – AS FAMILIAS QUE TEÑEN QUE DAR A ORDE DE DOMICILIACIÓN BANCARIA E NON O FAGAN EN PRAZO CAUSARÍAN BAIXA DO LISTADO DEFINITIVO E POLO TANTO NON SERÍAN USUARIAS/OS DE COMEDOR NO CURSO 2019 – 2020.

    – TODAS AS INSCRICIÓNS QUE SE FAGAN ANTES DAS DATAS ESTABLECIDAS ESTARÁN FÓRA DE PRAZO E POLO TANTO NON SE ADMITIRÁN.

    Formulario de inscrición comedor curso 2019-20 aquí 

  3. Inscrición Actividades Extraescolares 2019-2020

    Temos o pracer de presentarvos un ano máis o oferta de actividades extraescolares do C.E.I.P. Valle Inclán para o curso 2019-2020, organizadas pola ANPA en colaboración con la Asociación Deportivo-Cultural As Mariñas.

    • Farase a través da páxina web da ANPA  a partir do  1 de abril 2019  ás 14:00h. 
    • Toda a información sobre as actividades extraescolares de Educación Infantil na seguinte ligazón, para realizar a inscrición online pulsado AQUI
    • Toda a información sobre as actividades extraescolares de 1º2º3º de Educación Primaria na seguinte ligazón, para realizar a inscrición online pulsado AQUI
    • Toda a información sobre as actividades extraescolares de 4º5º6º de Educación Primaria na seguinte ligazón, para realizar a inscrición online pulsado AQUI
  4. Inscrición Campamento de verán Disfruta e Aprende 2019